બાજરી ને સાફ કરી ધોઈ ને આખી રાત પાણી માં પલાળી રાખો,પછી સવારે ફરી પાણી થી ધોઈ ને ચારણી માં નિતારી લો.

મગ ની પીળી દાળ ને પાણી થી ધોઈ ને ૧૫ મિનિટ માટે રાખી મૂકો, પછી પાણી નિતારી ને બાઉલમાં કાઢી લો.

પાણી નિતારી ને રાખેલ બાજરી ને મિક્ષચર જાર માં કાઢી લો અને ૧\૨ મિનિટ માટે ૨ થી ૩ વાર ગ્રાઈન્ડ કરો(દરદરુ પીસી લેવું) પછી બાઉલમાં કાઢી લો.

હવે,કૂકર ને ગરમ કરી તેમાં ૩ ચમચી શુદ્ધ ઘી ઉમેરી ને જીરું ઉમેરો તતડે એટલે હીંગ,હળદર લીલાં મરચાં ની પેસ્ટ, આદુ ની પેસ્ટ ઉમેરી ને ૧ મિનિટ માટે સાંતળો પછી એમાં નિતારેલી બાજરી અને મગ ની પીળી દાળ,સ્વાદ મુજબ મીઠું ઉમેરી ને સરસ મિક્ષ કરી લો પછી ૧ મિનિટ માટે સાંતળી ને ત્રણ થી સાડા ત્રણ કપ પાણી ઉમેરી ને હલાવી લો ને કૂકર નું ઢાંકણ ઢાંકી ને બે સીટી બોલાવી લો. પછી ગેસ ની આંચ ધીમી કરી ને ખીચડી ને બાફવા દો.(૧૦ મિનિટ)

ગેસ ની આંચ બંધ કરી ને કૂકર ને ઠરવા દો, પછી તપાસો, ખીચડી સરસ બફાઈ ગઈ હશે.

પણ આપણે બાજરી ની ખીચડી ને ઉપર થી ઘી - જીરા નો વઘાર કરી ને પછી પીરસીસું.