વાલોર પાપડી ની નસો કાઢી, ખોલી, ટુકડા કરીને ધોઈ લો. સાથે સાથે ટામેટાંને સમારી લો.

લસણની ચટણી તૈયાર કરવા માટે ખલમાં લસણની કળી, લાલમરચું પાવડર અને ધાણાજીરૂ ઉમેરીને વાટી લો.

હવે, કૂકરમાં તેલ ગરમ કરી રાઈ ઉમેરો, તતડે પછી જીરૂ, અજમો, હિંગ, હળદર અને વાલોર ઉમેરીને સાંતળો.

ત્યારબાદ, લસણની ચટણી, મીઠું, ગરમ મસાલો અને ટામેટાં ઉમેરીને ૫-૭ મિનીટ તેલમાં ચડવા દો. પછી, અડધી વાટકી પાણી ઉમેરી હલાવીને ઢાંકણ બંધ કરી ૨ સિટી વગાડ્યા બાદ ગેસની ફ્લેમ બંધ કરી દો.

તો તૈયાર છે વાલોર પાપડીનું શાક તેને ગરમા ગરમ રોટલા સાથે સર્વ કરો.