સૌ પ્રથમ ડુંગળી ને ઝીણી સમારી લો. 1 પેન માં 1 ટેબલ સ્પૂન ઘી ગરમ મૂકો. તેમાં ડુંગળી, આદુ અને લસણ ની પેસ્ટ અને લીલા મરચાં ઉમેરો. ડુંગળી બ્રાઉન રંગ ની થાય ત્યાં સુધી કૂક કરો.

મિશ્રણ ઠંડુ પડે એટલે 1 મિક્સર જાર માં લઈને તેમાં કાજુ, 2 ટી સ્પૂન લાલ મરચું પાઉડર અને દહીં ઉમેરી પેસ્ટ બનાવી લો. હવે એ જ પેન માં ફરી 1 ટેબલ સ્પૂન ઘી ગરમ કરો. તેમાં જીરું અને તમાલપત્ર ઉમેરો. સુગંધ આવે એટલે ડુંગળી ની પેસ્ટ ઉમેરો.

ટામેટા ને મિક્સરમાં ક્રશ કરી લો. ડુંગળી ની પેસ્ટ સાઇડ છોડવા લાગે એટલે ટામેટા ની પ્યોરી ઉમેરો. 5 થી 10 મિનિટ અથવા ગ્રેવી પેન છોડવા લાગે ત્યાં સુધી કૂક કરો. ત્યાર બાદ તેમાં બધા મસાલા ઉમેરો અને સરખું મિક્સ કરી લો. ગ્રેવી ની કન્સીસ્ટન્સી અડ્જસ્ટ કરવા જરૂર મુજબ ગરમ પાણી ઉમેરો.

બધું સરખું કૂક થઈ જાય એટલે ક્રીમ, કોથમીર અને કસૂરી મેથી ઉમેરો. (જો ખાંડ ઉમેરવી હોય તો આ તબક્કે ઉમેરી દેવી) છેલ્લે પનીર અને વટાણા ઉમેરો અને સરખું મિક્સ કરીને ગેસ બંધ કરી દો.

ડુંગળી અને કોથમીર થી ગાર્નિશ કરી સર્વ કરો.