સૌ પ્રથમ એક મોટાં તપેલામાં ચોખા, અને ત્રણેય દાળને સરસ ધોઈને રાતે પાણીમાં પલાળી દેવી. મીન્સ તેને સાત થી આઠ કલાક પાણીમાં પલાળી રાખવી જરૂરી છે.

હવે સાત થી આઠ કલાક થઈ જાય એટલે દાળને 2 વાર પાણીથી ધોઈ ને થોડી થોડી મિક્સર જારમાં લઈને પીસવી. પીસતી વખતે તેમાં 2 ચમચી જેટલું દહીં નાખતું જવું.

હવે ધીમે ધીમે કરીને બધું પીસી લેવું. તેનું ખીરું એકદમ લિશું ન કરવું, તેને થોડું કરકરું રાખવું.

હવે ખીરાની ઉપર સરખું ફીટ ઢાંકણ ઢાંકી ને કોઈ ગરમ જગ્યા એ મૂકી દો.

તેને 6- 7 કલાક આથો આવવા દેવાનો.

7 કલાક થઈ જાય એટલે ખીરુ ચેક કરો. તેમાં બબ્બલસ દેખાશે. હવે તેમાં 2 મુઠી જેટલી ચણાની દાળ પલાળેલી હતી એ, હળદર, સ્વાદ અનુસાર મીઠું, મરચાં, ઉમેરી સરખું મિક્સ કરી લેવું.

થોડું ગરમ પાણી એડ કરવું. ખીરું બવ પાતળું નહિ અને જાડું પણ નહિ એવું રાખવું.

હવે તેમાં ઈનો ઉમેરી તેની ઉપર બે ચમચી તેલ ઉમેરી દો.

અને ખીરાને એકદમ એક જ દિશામાં હલાવો.

હવે ગેસ ચાલું કરી ઢોકડિયું મૂકો. તેમાં 2 ગ્લાસ પાણી ઉમેરી ગરમ કરો.

હવે ઢોકળાની થાળી, અને વાટકી હસે તેમાં આખા માં તેલ ચોપડી દો.

હવે તેમાં 2 ચમચા જેટલું ખીરું ઉમેરી પાથરી દેવું.

વાટકી હોય તેમાં થોડુંક ઓછું નાખવું.

હવે તેની ઉપર મરચું પાઉડર અને કોથમીર ભભરાવો.

હવે તેની ઉપર ઢાંકણ ઢાંકી દો. હવા જવી જોઈએ નહીં.

10 મિનિટ પછી ચાકુ વડે ઢોકળાં ચેક કરો. જો ચાકુ ચોખો આવે તો ઢોકળાં થઈ ગયા છે.

હવે ગેસ બંધ કરી ઢોકળાને બહાર કાઢી લો. તેની ઉપર નાના નાના ચોરસ આકા પાડી તવિથા વડે બહાર કાઢી લો. બધાં ઢોકળાં આવી રીતે કરી લો.

તો તૈયાર છે હવે આપણાં લાઈવ ઢોકળાં....