सर्वप्रथम वरील घटक पदार्थानुसार सर्व भाज्या घ्याव्यात. या भाज्या छोट्या क्युब साईझच्या चिरुन घ्याव्यात.... कांदा,टोमॅटो, लाल-हिरवी-पिवळी ढोबळी मिरची.तसेच पनीरचे छोटे तुकडे कट करून ठेवावेत.
बटर,चीझ,मिक्स्ड हर्ब्ज,पिझ्झा सॉस,मोझेरेला चीझक्युब्ज,व्हेज गार्लिक मेयॉनिज सॉस याची तयारी एका ट्रे मध्ये करुन घ्यावी.

आता प्रथम,कढई तापत ठेवून त्यात 2टेबलस्पून ऑलिव्ह ऑईल गरम करावे.यावर बारीक चिरलेला कांदा घालून परतावे.यानंतर टोमॅटो, सर्व रंगीत ढोबळी मिरच्या एकापाठोपाठ घालून परतावे.खूप शिजवायचे नाही.भाज्या क्रंची लागायला हव्यात.

एकीकडे प्रोसेस्ड चीझब्लॉक किसून ठेवावा. पनीरचे छोटेसे चौकोनी तुकडे करावेत.बेझिल पाने घ्यावीत.
भाजी परतत रहावी.पाच मिनिटांत पाणी सुटू लागते.पाणी जाईपर्यंत भाज्या परताव्यात.थोड्या कोरड्या होऊ द्याव्यात.
चीझ,मोझरेला चीझ,मेयॉनिज,सॉस या सर्वात मीठाचे प्रमाण असल्याने इथे वेगळे मीठ घालायला लागले नाही.

भाजी कोरडी,थोडी क्रंची अशी तयार आहे.आता स्लाईस ब्रेडला बटर,मेयॉनिज सॉस,पिझ्झा सॉस लावून घ्यावे. त्यावर भाज्यांचे स्टफींग,पनीरचे तुकडे, मोझरेला चीझ,किसलेले चीझ घालून पिझ्झा तयार करुन घ्यावा.अशा सर्व स्लाईस तयार कराव्यात. त्यावर बेझिल पाने ठेवावीत.

ग्रील तव्यावर बटर लावून घ्यावे.त्यावर हा तयार ब्रेड पिझ्झा ठेवावा.मंद गॅसवर झाकण घालून ब्रेडस्लाईस तळाच्या बाजूने क्रिस्पी होईपर्यंत झाकण घालून भाजून घ्यावे

2-3मिनिटात ब्रेड भाजून तयार होतो.सर्व तयार स्लाईसेस अशा प्रकारे भाजून घ्यावेत.
आपला ब्रेड पिझ्झा तयार आहे.गरमागरम असा पिझ्झा सॉसबरोबर सर्व्ह करावा.