चहाचा मसाला बनवण्याची कृती:-वरील प्रमाणात सर्व मसाले प्रथम एकत्र करून घेऊया त्यानंतर जायफळ बारीक किसणीने किसून घ्यायचे सर्व खडा मसाला अगदी मंद आचेवरती पॅनमध्ये सुगंध येईपर्यंत परतून घ्यायचे.

नंतर ते सर्व खडे मसाले मिक्सरच्या छोट्या भांड्यात टाकायचे आणि त्या गरम तव्यावर सुंठ पावडर आणि जायफळ परतून घ्यायची. (गॅस बंद केलेला असतो तेव्हा) नंतर ते खडे मसाले मिक्सरमध्ये छान बारीक वाटून झाल्यानंतर त्यात सुंठ आणि जायफळ पावडर टाकून पुन्हा एकदा फिरवून घ्यायचे, की झाला आपला घरगुती, सुगंधित, झणझणीत, चविष्ट असा चहाचा मसाला.

मसाला चहा बनवण्याची कृती- गॅसवर एका भांड्यात एक कप पाणी घालून ते गरम झाल्यावर त्यात चहा पावडर घालून नीट उकळू द्यावे नंतर त्यात दोन कप दूध घालून चांगली उकळ काढून घ्यावी.

चहाचा छान रंग आल्यावरती नंतर साखर घालावी आणि सर्वात शेवटी चहा मसाला हे सर्व वरील प्रमाणात घालावे, एक उकळ काढावीआणि एक मिनिट झाकून छान गोल्डन कलरचा सुगंधित असा चहा सर्व करावा.