पहिल्यांदा पनीरचे चौकोनी क्यूब करून घ्या.
आता 2 चमचे तेलामध्ये दोन चमचे बेसन पीठ दोन-तीन मिनिटे गरम करून घ्या. त्याच कढईमध्ये पनीर, सिमला मिरचीचे आणि कांद्याचे चौकोनी काप, आलं लसूण पेस्ट, पाव चमचा हळद, एक लहान चमचा काश्मिरी लाल मिरची पावडर, एक चमचा धने जीरे पावडर, चवीपुरते मीठ, लिंबाचा रस आणि चार मोठे चमचे दही एकत्र करून मॅरीनेट करा.

हे मॅरीनेटेड पनीर फ्रीजमध्ये अर्धा तास ठेवून द्या.
नाॅनस्टिक पॅनवर अर्धा तासानंतर सिमला मिरची कांदा आणि पनीरचे चौकोनी तुकडे शॅलो फ्राय करून घ्या.

आता ग्रेव्हीसाठी कढईत ४ छोटे चमचे तेल घाला. त्यात १ टी स्पून जिर टाका.
त्यात हिंग, मग बारीक २ चिरलेले कांदे घाला. कांदा गुलाबी झाल्यावर एक लहान चमचा आलं लसूण पेस्ट टाका.
आता त्यात ३ छोटे टोमॅटो ची प्युरी घाला. (बारीक चिरलेला टोमॅटो पण टाकू शकता) व छान परतून घ्या. पॅनवर झाकण लावून मंद आचेवर थोडा वेळ शिजवा.
झाकण काढून धणे, जीरे पावडर, हळद, चवीपुरते मीठ, कसुरी मेथी हातावर चोळून टाका, दोन चमचे काश्मीरी लाल मिरची पावडर घाला.

सर्व मसाले एकजीव झाल्यावर अर्धा चमचा किचन किंग मसाला घालून झाकण ठेवा. दोन मिनिटांनंतर झाकण काढून हा मसाला तेल सुटून एकजीव होईपर्यंत परता.
आता तयार मिश्रणात पनीर टाका आणि वरून एक छोटा चमचा गरम मसाला टाका. सर्व साहित्य एकत्र परतून घ्या आणि त्यात एक कप गरम पाणी टाका.

भाजीला उकळी आली की गॅस बंद करा आणि वरून कोथिंबीर भुरभरवून सर्व्ह करा पनीर टिक्का मसाला.
ही भाजी पोळी, रोटी,नान, कुलचा, जीरा राईस सोबत छान लागते.