मग कुकर मध्ये 3 शिट्ट्या काढून डाळ चांगली शिजवून घेतली.

नंतर कुकर थंड झाल्यावर, त्यातील शिजवून घेतलेली डाळ काढून घेतली.

मग एका पातेल्यात 2 मोठे चमचे तेल घालून ते चांगले गरम झाल्यावर, त्यात, 1 चमचा मोहरी घालून ती चांगली तडतडल्यावर त्यात 4-5 लसूण पाकळ्या घालून, नंतर त्यात 2 मोठे चमचे वाटलेला मसाला, 1 छोटा चमचा हळद, 1मोठा चमचा लाल तिखट मसाला घालून, त्यात शिजवून घेतलेली डाळ घालून सर्व साहित्य चांगले मिक्स करून घेतले.

नंतर 1 टोमॅटो बारीक चिरून घातला. आणि थोडी कोथिंबीर व चवीनुसार मीठ घालून डाळ चांगली शिजवून घेतली.

आणि आता सर्व्ह करण्यासाठी तयार आहे आपली गरमा गरम मिक्स डाळींची आमटी. ही आमटी भाता बरोबर खूप छान लागते.