सर्व प्रथम स्टफिंगचे सारण तयार करून घ्यावे. त्यासाठी मध्यम आचेवर कढईमध्ये तेल घालून त्यात जिऱ्याची फोडणी द्यावी. जीरे तडतडल्यावर त्यात बारीक चिरलेला लसूण आणि हिरव्या मिरच्या घालावे.

आता त्यात किसलेले बीट, गाजर आणि बारीक चिरलेली कोथिंबीर घालावी.

त्यानंतर त्यात मिरी पावडर आणि चवीनुसार मीठ घालून सर्व भाज्या 2 ते 3 मिनिटे परतून घ्यावे.(भाज्या अर्ध्या कच्च्या शिजवून घ्याव्या.) सारण बाजूला ठेवून थंड करायला ठेवावे.

आता कणकेमध्ये तेल, मीठ आणि थोडे पाणी घालून कणिक मळून घ्यावी.

मळलेल्या कणकेची छोटी पोळी लाटून त्यात सारण भरून पोळीची किनार सर्व बाजूंनी दुमडून बंद करून घ्यावी.

कणकेच्या गोळ्याला थोडेसे पीठ लावून पोळी लाटून घ्यावी. गॅसवर ही पोळी मध्यम आचेवर दोन्ही बाजूंनी तेल किंवा बटर लावून खरपूस भाजून घ्यावी.

सर्व्हिंग डिश मध्ये काढून गरमागरम पराठा चटणी किंवा सॉस सोबत सर्व्ह करावा. आपला कॅरोट-बीटरूट पराठा तयार आहे.