સૌ પ્રથમ બટાકા ને ધોઈ કૂકરમાં ૩-૪ સીટી વગાડી બાફી બહાર કાઢી છોલી ને સ્મેશ કરી લેવા.ટિકી માટે ની બધી સામગ્રી તેલ સિવાય ની બસધી ઉમેરી બરાબર બધું મીક્સ કરી લો.

હવે તેના ગોળા વાળી થોડા ફ્લેટ કરી ટિકી નો શેપ આપવો.તેને બ્રેડક્રમ્બસ માં રગદોળી લેવી.

હવે એક પેનમાં તેલ ગરમ કરીને ટીક્કી ને ગરમ તેલ માં ગોલ્ડન કલર ની તળી લેવી.

હવે રગડા માટે એક પેન માં તેલ લઈ ગરમ મૂકી તેમાં રાઈ જીરું ઉમેરો,તજ,લવિંગ,મરી,તમાલપત્ર ઉમેરી તેમાં ડુંગળી ની પ્યુરી ઉમેરી ૧ મિનિટ સાંતળી ટામેટાં ની પ્યુરી ઉમેરી સંતળાય એટલે તેમાં હીંગ,હળદર,લાલ મરચું પાઉડર,ધાણાજીરું અને ગરમ મસાલો ઉમેરી ૧ મિનિટ સાંતળી તેમાં બાફેલા વટાણા,મીઠું અને જરૂર મુજબ પાણી ઉમેરી૧૦ મિનિટ ઉકાળવું પછી ગેસ બંધ કરવો.

સરવિંગ બાઉલમાં માં ટિકી મૂકી ઉપર રગડો નાંખી ઉપર લીલી ચટણી,ખજૂર આંબલી ની ચટણી,સમારેલી ડુંગળી,સમસરેલું ટામેટું,ચાટ મસાલો ભભરાવી સમારેલા લીલા ધાણા, અને છીણેલા બીટ થી ગાર્નિશ કરી ગરમ ગરમ સર્વ કરવી.

તો તૈયાર છે આલુ ટીકી રગડા ચાટ.