સૌ પ્રથમ એક પેન માં પાણી ગરમ કરવા મૂકો તેમાં ઘી તમાલપત્ર તજ લવિંગ મરી નાંખી ઉકાળો. ત્યાર બાદ તેમાં મીઠું, લીલાં વટાણા અને બાસમતી ચોખા નાંખી ઉકાળો. ભાત થોડા કડક રહે તેવા બનાવો. તેને ચારણી માં કાઢી ને બધું પાણી નીતારી લો.

હવે એક પેન માં ઘી ગરમ કરી તેમાં ડુંગળી લસણ, ટામેટા ની પ્યૂરી ને સાંતળો ત્યાર બાદ બધા મસાલા એડ કરી થોડું સાંતળો.

હવે તેમા દહીં નાંખી બધા તળેલા શાક, પનીર એડ કરી સહેજ પાણી નાંખી ઉકાળો અને ગ્રેવી તૈયાર કરી લો.

હવે એક પેન માં ઘી ગરમ કરી તેમાં જીરું, હળદર નાખી બનાવેલા ભાત નાંખી મિક્સ કરી લો. થોડો ભાત સાદો અલગ થી રાખો.

હવે એક બાઉલ લઈ તેમાં પહેલા ગ્રેવી નું લેયર કરો. તેની ઉપર યલો રાઈસ તેની ઉપર તળેલી ડુંગળી નાખો.

ત્યાર બાદ તેના ઉપર સાદો રાઈસ નું લેયર કરો. આ રીતે ફરી એવા લેયર કરો. ત્યાર બાદ તેની ઉપર ઘી, લીલાં ધાણા ચીઝ ભભરાવો.

ત્યાર બાદ 2 મિનિટ માઈક્રોવેવ કરી લો. તો તૈયાર છે એકદમ નવાબી અવધિ પનીર બિરયાની.