ચોખાને બે ત્રણ પાણીથી ધોઈ પલાળી દો. બધી દાળ લઈ બે ત્રણ પાણીથી ધોઈ પલાડી દો. પાંચ થી છ કલાક માટે પલાળવા ના છે.

પાંચ છ કલાક પછી ચોખા અને દાળ માંથી બધું પાણી કાઢી લો. સૌપ્રથમ ચોખાને મિક્સી જારમાં લઈ 2 ચમચી દહીં ઉમેરી પીસી લો. ચોખા ના બેટરને કટોરામાં કાઢી તે જારમાં દાળ લઈ 2 ચમચી દહીં ઉમેરી પીસી લો. ચોખાના બેટરમાં દાળનું બેટર ઉમેરી પ્રોપર મિક્સ કરી દો. આ બેટરને 8 થી 10 કલાક માટે ઢાંકીને ગરમ જગ્યાએ આથો લાવવા મૂકી દો.

ઢોકળા ઉતારવાના સમયે બેટરમાં મીઠું, વાટેલા આદુ-મરચા અને બેકિંગ સોડા ઉમેરી પ્રોપર મિક્સ કરો. તેલથી ગ્રીસ કરેલી પ્લેટમાં બેટરને પોર કરો. ઉપર લાલ મરચું પાઉડર સ્પ્રિંકલ કરો. ઝીણી સમારેલી કોથમીર સ્પ્રિંકલ કરો. 15 થી 20 મિનિટ માટે સ્ટીમ કરી લો.

ઢોકળા ને પાંચ મિનિટ માટે ઠંડા થવા દો તેમાં આડા અને ઉભા ચોરસ કાપા પાડી દો. ખૂબ જ જાળીદાર ઢોકળા તૈયાર થશે.