એક બાઉલમાં બેસન, મીઠું, હળદર, મરી પાઉડર, તેલ ઉમેરીને મિક્સ કરી લો. પછી તેમાં પાણી ઉમેરીને ૫ મિનીટ સુધી લોટને બરાબર ફેટી લો.

સેવનાં સંચા અને હાથને તેલથી ગ્રીસ કરી લો. તૈયાર લોટ સંચામાં ભરી લો. કડાઈમાં તેલ ગરમ કરીને હાયફ્લેમ ઉપર સેવ પાડી તળીને પેપર નેપકિન પર કાઢી લો.

એક બાઉલમાં મેંદો, બેસન, રવો, તેલ, મીઠું, અજમો અને પાણી ઉમેરી મિક્સ કરી કણક બાંધી લો. કણકને ૧૦ મિનીટ માટે ભીના કપડાથી ઢાંકીને મૂકી રાખો.

પછી કણકના બે ભાગ કરી તેની પાતળી રોટલી વણી લો. કુકીકટરની મદદથી ગોળાકાર કાપી લો. કાંટાવાળી ચમચી વડે તેમાં કાણા પાડી લો.

કડાઈમાં તેલ ગરમ કરી પૂરીને ધીમા તાપે સોનેરી થાય ત્યાંસુધી તળીને કાઢી લો.

બટાકાને બાફીને અધકચરા સ્મેશ કરી લો. પછી તેમાં લાલમરચું પાઉડર, ચાટ મસાલો, જીરૂ પાઉડર, કોથમીર, લીંબુનો રસ અને મીઠું ઉમેરી મિક્સ કરી લો.

મિક્સરજારમાં કોથમીર, ફુદીનાના પાન, લીલા મરચા, લસણની કળી, મીઠું, સંચળ, હિંગ, જીરૂ, ખારી શીંગ, લીંબુનો રસ અને પાણી ઉમેરીને બારીક પીસી લો.

સૂકામરચાને ગરમ પાણીમાં ૧૫ મિનીટ માટે પલાળીને રાખો. મિક્સજારમાં પલાળેલા મરચા, લસણ, મીઠું, સેવ અને લીંબુનો રસ ઉમેરીને બારીક પીસી લો.

એક તપેલીમાં આંબલી, ગોળ અને એક ગ્લાસ પાણી ઉમેરીને ૧૫ મિનીટ ઉકાળીને ગાળી લો. પછી મીઠું, સંચળ, જીરૂ પાઉડર, ગરમ મસાલો અને લાલમરચું પાઉડર ઉમેરી મિક્સ કરી લો.

ડીશમાં પૂરી ગોઠવો. તેમાં બટાકાનું સ્ટફિંગ, સમારેલી ડુંગળી અને કોથમીર ઉમેરો. પછી ત્રણેય ચટણી ઉમેરો.

તેની ઉપર સેવ, ટામેટા, ડુંગળી, કાચી કેરી અને ચાટ મસાલો ભભરાવો. તેને તરત જ સર્વ કરો.

તેને તરત જ સર્વ કરો.