સૌ પ્રથમ એક વાડકામાં માખણ અને ઘી લઈને પ મીનીટ બરાબર ફેંટવું.

મિશ્રણ એકદમ ફ્લપી થઈ જાય એટલે તેમાં જીરૂ તથા મીઠું ઉમેરી બરાબર મિક્ષ કરવું. તેમાં દહીં ઉમેરવુ.

દહીં પર બે. પાઉડર તથા બે. સોડા નાંખવું. જેથી સોડા એક્ટીવેટ થશે એટલે તરત એક મીનીટ માટે સરસ મીક્ષ કરવું.

હવે આ મિશ્રણને એક થાળીમાં લઈ લેવું. ત્યારબાદ ઘઉંનો લોટ, મેંદો તથા રવો લઈ બધુ ભેગું કરી મિશ્રણમાં ઉમેરવું.

હવે હળવા હાથે બધુ ભેગું કરી લોટ બાંધવો.
ખાસ નોંધ :
- સહેજપણ પાણીનો ઉપયોગ કરવાનો નથી.
- લોટ મસળી- મસળીને બાંધવાનો નથી.
- લોટ મુઠ્ઠીથી બંધાય એવો જ બાંધવાનો છે. (નરમ- લીસો બાંધવાનો નથી)

હવે લોટને પ્લાસ્ટિકમાં ઢાંકી ૨૫-૩૦ મીનીટ માટે ફ્રીજમાં મુકી દેવો.

ઓવનને કન્વેક્શન મોડમાં પ્રી-હીટ કરવા મુકી દેવું. હવે ફ્રીજમાંથી લોટ કાઢી ચમચાની મદદથી લુવા લઈ, ઓવનની ટ્રે પર બટર પેપર મુકવા.
(ખાસ નોંધ :- લુવાને હાથ ફેરવી ગોળ આકાર આપવાનો નથી. ચમચાથી કાઢી એમનું એમ જ ટ્રે પર મુકવું.)

હવે ઓવનમાં ૧૮૦ ડીગ્રી પર ૧૫-૨૦ મીનીટ બેક થવા દેવું. (ઓવન ના હોય તો તમે પ્રી-હીટ કઢાઈ કે તપેલામાં પણ બનાવી શકો છો.)

માખણિયા/જીરા બિસ્કિટ તૈયાર છે. ચા સાથે જોરદાર યમ્મી બિસ્કિટનો આનંદ માણો😋😋😋🥰🥰