એક મોટા બાઉલમાં લોટ, બેકિંગ પાવડર અને મીઠું ભેગું કરો. તેમાં પાણી અને તેલ ઉમેરો.
જરૂર મુજબ પાણી ઉમેરીને બરાબર મસલો. લોટ સોફ્ટ બાંધવો. તેને 10 મિનિટ આરામ આપો.
કણકને 6 ભાગોમાં વહેંચો. અને રોટલી ની જેમ પાતળી વળો. બંને બાજુ 1 મિનિટ સુધી થોડી બ્રાઉન થાય ત્યાં સુધી મીડીયમ ફ્લેમ પર શેકો.
તો તમારા હોમમેઇડ ટોર્ટિલા રેડી છે.

એક પેનમાં એક ચમચી તેલ ગરમ કરો. તેમાં મરચા સાંતળી ને તેમાં કેપ્સિકમ,ગાજર, મકાઈ ના દાણા અને છેલ્લે ટામેટાં અને ધાણા નાંખો અને મીઠુ ઉમેરો, સહેજ ચઢીં જાય ત્યાં સુધી 5 થી 7 મિનિટ મીડીયમ ફ્લેમ પર સાંતળો.

હવે તેમાં ચીલી સોસ, મિક્સ હરબસ, ચીલી ફ્લૅક્સ અને મરી નો પાવડર નાખી મિક્સ કરો. પછી તેને ગેસ પર થી ઉતારી લો.

હવે તવા પર ટોર્ટિલા મૂકો. તેની ઉપર ચીઝ ફેલાવો પછી શાકભાજીનું મિશ્રણ ફેલાવો. અને ફરી ચીઝ ફેલાવી ને લેયર કરી બીજી ટોર્ટિલાથી કવર કરી દો.

હવે ચીઝ પીગળે ત્યાં સુધી થવા દો પછી ધીમે રહિને કાળજી પૂર્વક ફ્લિપ કરો ફરી થોડી વાર થવા દો અને હલવા હાથે દબાવો.(રોટલી પર તેલ લગાડી બંને બાજુ શેકવું.)