આ જ પાણીમાં પાલકનાં પાનને પણ બ્લાન્ચ કરી લ્યો અને મિક્સરની નાની જારમાં આ પાલકની પ્યુરે બનાવી તેને પણ એક બાઉલમાં અલગ રાખો.

બ્રોકોલીનાં ફૂલ છુટ્ટા કરી તેને માત્ર એક જ મિનીટ માટે બ્લાન્ચ કરી અલગ રાખો. ધ્યાન રહે, બ્રોકોલી વધારે સોફ્ટ ન થવી જોઈએ. ત્યારબાદ એક હેવીબોટમ પેનમાં બિલકુલ થોડું તેલ ગરમ કરી આ ફ્લોરેટ્સને થોડાં ક્રિસ્પી થાય ત્યાં સુધી શેલોફ્રાય કરી અલગ રાખવાં.

આદુ-મરચાં-કોથમરી અને લીલા ટમેટાંને ખરલમાં વાટી મુલાયમ પેસ્ટ બનાવી લેવી.

હવે એક હેવીબોટમ પેનમાં ઘી ગરમ કરી તેમાં હિંગ અને જીરુનો વઘાર કરવો. જીરુ તતડે ત્યારે તેમાં તમાલપત્ર અને લવિંગ ઊમેરી થોડીવાર સાંતળવા. ત્યાર પછી તેમાં ગ્રીનપેસ્ટ અને હળદર મરચું ઊમેરી બે-ચાર મિનીટ વધારે સાંતળી લેવું.

પાલક પ્યુરે ઊમેરી પાલક થોડી પાકે ત્યાં સુધી સાંતળી લઈ બાદમાં અગાઉથી તૈયાર કરી રાખેલાં બધાં જ શાક એક પછી એક ઊમેરી દેવા. આપણે ગ્રેવી જે મુજબ ઘાટી રાખવી હોય તે મુજબ પાણી ઉમેરવું, સ્વાદ મુજબ નમક ઊમેરી, ધીમી આંચ પર નીમોના પાકવા દેવું.

નોંધ :- નીમોના પારંપરિક રીતે રાઈનાં તેલમાં બનાવવામાં આવે છે, પણ મેં તેનો માઈલ્ડ ટેસ્ટ જાળવવા અહીં દેશી ઘી નો ઉપયોગ કર્યો છે. તમે ચાહો તો રાઈ કે પછી તમારી પસંદનાં કોઈપણ તેલમાં બનાવી શકો છો.