એક પેણીમાં ઘી અને તેલ લેવું. પછી તેમાં ઝીણા કાપેલા કાંદા સાંતરવા.

કાંદા બ્રાઉન થાય પછી તેમાં આદુ લસણની પેસ્ટ અને લીલાં મરચાં ની પેસ્ટ ઉમેરવી. ધીમા તાપે ૧ મિનિટ સાંતળવું.

ત્યારબાદ તેમાં ટામેટાની પ્યૂરી ઉમેરવી. ઢાંકીને ૫ મિનિટ થવા દેવું.

તેલ છૂટું પડે પછી તેમાં બધા સૂકા મસાલા મિક્સ કરવા. ૨ મોટી ચમચી પાણી ઉમેરીને મસાલા બરાબર સાંતરી લેવા.

પછી તેમાં બાફેલા શાકભાજી, કાપેલું ટામેટું અને કાપેલું કેપ્સીકમ ઉમેરીને ઢાંકી દેવું. ૫ થી ૭ મિનિટ ઢાંકીને થવા દેવું.

ત્યારબાદ તેમાં છીણેલું પનીર અને છીણેલું ચીઝ ઉમેરીને ફરી ૫ મિનિટ થવા દેવું. જરૂર લાગે તો ૨ મોટી ચમચી પાણી ઉમેરવું.

તેલ બરાબર છૂટી જાય એટલે ગેસ બંધ કરી દેવો.

કાપેલી કોથમીર, છીણેલું પનીર અને છીણેલા ચીઝથી સજાવીને પરોઠા કે નાન સાથે પીરસવું.