સૌ પ્રથમ બાઉલ માં મેંદો, ઘઉં નો લોટ, મીઠું અને તેલ ઉમેરી મીડીયમ લોટ બાંધવો. હવે લોટ માં થી લુવા કરી બે પડ વાળી રોટલી કાચી પાકી બનાવી લેવી. તેને ભીના કપડાં માં રાખવી.

હવે ફ્રેન્કી મસાલા માટે ચાટ મસાલો, ગરમ મસાલો, લાલ મરચું, શેકેલા જીરા નો પાવડર, મરી પાવડર, ધાણાજીરું પાવડર લઈ બધું મિક્સ કરી લેવું. લીલી ચટણી બનાવવા માટે કોથમીર, દાળિયા, લીલા મરચા મીઠું, આદુ, લીંબુ નો રસ બધું ગ્રાઈન્ડ કરી લેવું. કોબીજ લાંબી પાતળી કાપી ને તેમાં મીઠું, આમચૂર પાવડર, લાલ મરચું ઉમેરી મિક્સ કરી લેવું.

હવે કડાઈ માં તેલ, આદું મરચા ઉમેરી તેમાં હળદર, બાફેલા બટાકા, મીઠું, ફ્રેન્કી મસાલો, લાલ મરચું અને કોથમીર ઉમેરી મિક્સ કરી લેવું. હવે તેના રોલ બનાવી તવા પર શેકી લેવા.

હવે ફ્રેન્કી બનાવવા માટે એક રોટલી નું પડ લઈ તવા પર બટર અને તેલ મૂકી જરાક શેકી લેવી. હવે ઉતારી લઈ તેના પર લીલી ચટણી લગાવવી તેના પર રોલ મૂકી ફ્રેન્કી મસાલો, કોબીજ અને ચીઝ છીણી ને રોલ વાળી લેવું.

હવે વેજ ચીઝ ફ્રેન્કી સર્વ કરવી.