બધી જ દાળ ને ૪ થી ૫ કલાક માટે અલગ અલગ વાસણ માં પલાળો. ૫ કલાક પછી જ્યારે બધી જ દાળ પલળી જાય એટલે પાણી નિતારી એક તપેલી લઈ લો..આદુ,મરચા લસણ ડુંગળી ને ક્રશ કરી તૈયાર રાખો. બધી જ દાળને મિક્સર મા નાખી કરકરુ મિશ્રણ તૈયાર કરો. જો પાણી નાખવાની જરૂર પડે તો હુંફાળું નાખવું.

તૈયાર કરેલા મિશ્રણ માં મીઠું મરીનો ભુકો અને મરચું પાઉડર ઉમેરો..અને ક્રશ કરેલા આદુ મરચા ડુંગળી અને લસણ પણ નાખી બધું મિક્સ કરો..હવે ખાવાનો સોડા અને તેના પર લીંબુનો રસ ઉમેરો બરાબર મિક્સ કરો.

ગેસ પર તેલ ગરમ કરવા મૂકો બરાબર ગરમ થાય પછી જ વડા તળવા..થોડીવાર ધીમા તાપે તળવા.સરસ બ્રાઉન રંગના થાય એટલે ડિશ માં કાઢી સર્વ કરો.