முதலில் தேவையான பொருட்களை எடுத்து வைத்துக் கொள்ளவும். அதன்பின் பாதாமை வெந்நீரில் தனியே ஊற வைத்துக் கொள்ளவும். அதேபோல் எடுத்து வைத்துள்ள முந்திரி பிஸ்தா கசகசா சோம்பு தர்பூசணி விதை ஏலக்காய் விதை போன்றவற்றை வெண்ணீர் சேர்த்து ஊற வைத்துக் கொள்ளவும்.

பருப்புகள் நன்றாக ஊறியவுடன் அதனை மிக்ஸி ஜாரில் சேர்த்து அதனுடன் ஊற வைத்த பாதாமை தோல் நீக்கி சேர்த்துக் கொள்ளவும். இதனை சிறிது தண்ணீர் சேர்த்து மைய அரைத்துக்கொள்ளவும்.

பாத்திரத்தில் ஒரு லிட்டர் பால் சேர்த்து கொதிக்க விடவும். பால் கொதித்ததும் அதில் குங்குமப்பூ ரோஸ் வாட்டர் மற்றும் சர்க்கரை சேர்த்து நன்றாக கலக்கவும். அதனை 10 நிமிடம் மிதமான சூட்டில் காய்ச்சவும்.

அதன் பின் அரைத்த விழுதை சேர்த்து நன்றாக கலக்கி பச்சை வாசம் போகும் அளவிற்கு கொதிக்க விடவும். நன்றாக கொதித்ததும் அடுப்பை அணைத்து இதனை ஆற விடவும்.

ஆறியதும் அதனை வடிகட்டி ஃப்ரிட்ஜில் வைத்து குளிர வைக்கவும். நறுக்கிய பிஸ்தா பாதாம் மற்றும் குங்குமப்பூ சேர்த்து பரிமாறவும். சுவையான தண்டாய் தயார்.