સૌપ્રથમ ચોખા અડદની દાળ તથા મેથી દાણાને પાંચથી છ કલાક સુધી પલાળી રાખો હવે તેને મિક્સર મા લઈ પીસી લો તથા તેમાં એક ચમચી જેટલું પાણી ઉમેરીને ફરી એકવાર મિક્સ કરી લો હવે આ બેટર ને છથી સાત કલાક માટે ઢાંકીને સાઈડ પર મૂકી દો. છથી સાત કલાક પછી તેમાં અાથો આવી ગયો હશે. હવે તેમાં છીણેલું આદુ, મીઠું તથા જરૂર મુજબ પાણી ઉમેરી બેટર તૈયાર કરી લો.

હવે એક બાઉલમાં ઝીણા સમારેલા શાકભાજી મિક્સ કરો. હવે એક નોન સ્ટીક ની લોઢી ઉપર તેલ પાણી ની પીછી ફેરવો. તથા લોઢી ગરમ થાય એટલે તેના પર એક ચમચા જેટલું બેટર રેડી ચિત્રમાં બતાવ્યા પ્રમાણે ગોળ ફેરવી લો તથા તેના ઉપર ઝીણા સમારેલા શાક પાથરી દો.તથા તેના ઉપર કોથમીર ભભરાવી તવેતા વડે થોડું પ્રેસ કરી દો. હવે તેની કિનારી ઉપર તેલ રેડો.ઉત્તપમ જ્યારે કિનારી છોડે ત્યારે તેને પલટાવી ને બંને બાજુ સરસ રીતે શેકી લો. તૈયાર છે સ્વાદિષ્ટ સાઉથ ઇન્ડિયન પિત્ઝા એટલેકે ઉત્તપમ. તેને કોપરા ની ચટણી તથા ટામેટા ની ચટણી સાથે પીરસો.