સૌપ્રથમ ઢોસાનુ ખીરુ લઈને તૈયાર કરવું. ત્યારબાદ બટેટા બે-ત્રણ સીટી કરવી. બાફીને મેશ કરી લેવા.

ટામેટાં અને મરચા ઝીણા સમારવા, આદુ છીણી લેવું, કોથમીર સમારી લેવી પછી તેલ ગરમ કરી તેમાં આખું જીરૂ અને હિંગ મૂકી વઘારમાં ટામેટાં આદુ મરચાનો વઘાર કરવો.

તેમાં લાલ કાશ્મીરી મરચું, હળદર ધાણાજીરુ અને સ્વાદ અનુસાર નમક ઉમેરી તેમાં બટેટા બાફેલા બટેટા નાખવા પછી તેમાં લીંબુ નાખી સ્વાદિષ્ટ મસાલો તૈયાર કરવો.

હવે પેનમાં ખીરું પાથરવું પછી તેમાં મસાલાવાળુ પુરણ ભરવું આ રીતે મસાલા ઢોસા તૈયાર કરવા.

સૌપ્રથમ દાળને એક કલાક સુધી પલાળવી પછી તેમાં દુધી, બટેટા સાથે જ બાફી લેવી. જેથી દાળ સાથે જ સરસ બફાઈ જાય.

દાળમાં હળદર અને નમક તેમજ ટમેટુ, આદું, કોથમીર, લીંબુ નાંખવું અને દાળને વઘાર આપવો તેલમાં આખું જીરું અને રાઈ નાખી અને હિંગથી વઘાર કરવો. આ રીતે સાંભાર તૈયાર કરવો.

સૌપ્રથમ નારિયેળ ઝીણું છીણેલું લેવું પછી તેમાં દહીં અને સ્વાદ મુજબ ખાંડ નાખવીને મીક્સ કરી લેવું.

ત્યારબાદ બે ચમચી તેલ ગરમ કરો તેમાં રાઈ અને આખું જીરૂ સાંતળવું પછી તૈયાર કરેલ નાળિયેરની ચટણીમાં ઉપર વઘાર કરવો તો તૈયાર છે આપણી નાળિયેરની ચટણી.

નારિયેળ ચટણી સાથે ગરમાગરમ સાંભાર અને ઢોંસા સર્વ કરો.