સૌથી પહેલા દાળને સરસ બે-ત્રણ પાણીથી ધોઈને અડધો કલાક માટે પલાળી રાખો અડધો કલાક પછી દાળને કૂકરમાં લઈને એમાં દોઢ ગ્લાસ પાણી નાખીને સ્વાદ મુજબ મીઠું અને 1/2ચમચી હળદર નાખીને ત્રણ સીટી મારી ને દાળને બાફી લો.
દાળ બફાઈ જાય એટલે એને સરસ વલોવીને એને સાઈડમાં રાખી દો

સંભાર નો વઘાર કરવા માટે એક પેન ને ગરમ કરો એમાં એક ચમચી તેલ ને ગરમ કરો તેલ ગરમ થાય એટલે એમાં 1/2ચમચી રાઈ અને 1/2ચમચી જીરૂં ચણાની દાળ અડદ ની દાળ નાખો રાઈ અને જીરું તતડી જાય અને દાળ ગોલ્ડન થાય એટલે તેમાં ઝીણું સમારેલું લસણ 2 લીલા મરચા મીઠા લીમડા ના પાન અને લાલ મરચું નાખો અને એક મિનીટ માટે સાંતળી લો

એક મિનિટ પછી તેમાં હિંગ નાખો અને મોટા ટુકડામાં સમારેલી ડુંગળી નાખો ડુંગળી ગુલાબી થઇ જાય એટલે તેમાં સમારેલા ટામેટા નાખો અને સ્વાદ મુજબ મીઠું નાખીને મિક્સ કરીને ઢાંકીને બે મિનિટ માટે રાંધી લો

બે મિનિટ પછી તેમાં સમારેલી સરગવાની સીંગ બટાકા ગાજર અને રીંગણ નાખો 1/2નાની ચમચી હળદર નાખો લાલ મરચું પાઉડર નાંખો અને અડધો ગ્લાસ પાણી નાખીને મિક્સ કરીને ઢાંકી ને સીંગ અને બટાકા બફાઈ જાય ત્યાં સુધી રાંધી લો
બટાકા અને સીંગ બફાઈ જાય એટલે એમાં આમલીનો પલ્પ નાખો અને મિક્સ કરીને ફરી એક મિનિટ માટે ઢાંકીને રાંધી લો

એક મિનિટ પછી તેમાં બાફેલી દાળ નાખો અને સરસ મિક્સ કરી લો જરૂર મુજબ પાણી નાખો અને સાંભર મસાલો નાખો અને ઢાંકીને દાળને બરાબર બેથી ત્રણ મિનિટ માટે ઉકળવા દો