એક નોમ સ્ટીક પેન માં ૧/૨ ચમચી ઘી લો. તેમાં મિક્સરમાં પીસીલા એકદમ ઝીણા કાજુ નો ભુકો ઉમેરે. ગેસ ને મીડીયમ તાપ પર રાખો.તેમાં દૂધનો પાઉડર ઉમેરી સરસ મીક્ષ કરી લો.

હવે, તેમાં સ્વીટ કન્ડેન્સ મીલ્ક ઉમેરી જરા વાર હલાવો. પેસ્ટ જરાકજ વાર માં સરસ સુમ્ધ અને જરા ડ્રાય થવા લાગશે. હવે તેને ગેસ પરથી ઉતારી લો, અને એક બીજા બાઉલમાં કાઢી લો. તેમાં કેસર એસેન્સ અને પીળો કલર ઉમેરી સરસ રીતે મીક્ષ કરી લો. હવે એને સાઈડ પર રાખો.

મીક્ષર જારમાં પિસ્તા જોડે ચમચી દૂધનો પાઉડર ઉમેરી પીસી લો. એકદમ સ્મુધ પાઉડર નથી કરવાનો. થોડોક અધકચરો જેવો રાખો. મોટા ટુકડા ના રહેવા જોઈએ. હવે પેન માં ૧/૨ ચમચી ઘી લો, જરા ગરમ થાય એટલે મીક્ષરમાં નું મીક્ષ તેમાં ઉમેરો. અને તેમાં કન્ડેન્સ મીલ્ક ઉમેરો. સરલ મીક્ષ કરી હલાવી લો. હવે, તે જરાકજ વાર માં સરસ સ્મુધ અને જરા ડ્રાય થવા લાગશે.

બંને મીક્ષ ને જરા ઘી વાળો હાથ કરી ને સરસ સ્મુધ લુઆ જેવું કરી લો.

હવે, કોઈ ફ્લેટ સરફેસ કે આડણી ઉપર વેક્સ પેપર કે બટર પેપર મુકો. પહેલાં જે પીળો કેસર વાળો લુઓ છે, તેને પહોળું આડું વેલણ ની મદદ થી વણી લો. વળેલા ફાફડા જેવું, એના કરતાં થોડું વધારે પહોળું. ફોટા ૧ માં છે, એ રીતે.. હવે એને સાઈડ પર મુકી લીલા પીસ્તા વાળા ભાગ ને ગોળ રહે તે રીતે શેપ આપી રોલ ની જેમ લાંબો કરો. ફોટા ૨ માં છે, એ રીતે. હાથ પર જરા ઘી લઈ ને કરશો તો ચોંટે નહી, અને ઉપર ચમક પણ આવી જશે.

હવે, પીળા કેસર વાળા પહોળા કરેલા ભાગમાં, લીલો પિસ્તા નો રોલ ધીમે રહી ને મુકો. ફોટા ૧ માં છે, એ રીતે. રોલ ને હળવા હાથે થી પકડવો, નહી તો ટુટી જશે. અને જરા મુક્તા તુટી જાય તો મુકાયા પછી સરખો કરી લો. થઈ જશે. હવે પીળો કેસર વાળો ભાગ ધીમે ધીમે રોલ કરો, એટલે પિસ્તા વાળો લીલો ભાગ અંદર ની બાજુ જતો રહેશે. જરાપણ ઉતાવળ નથી કરવાની.

હવે, કલાક પછી બહાર કાઢી તેમાં ચપ્પુ થી સરખાં ટુકડા કરી લો.