સૌ પ્રથમ એક વાસણમાં મકાઈનો લોટ દહીં ખાંડ તથા મીઠું ઉમેરી બધું મિક્સ કરી એકદમ કઠણ લોટ બાંધવો અને આખી રાત માટે અને સાઈડ પર ગરમ જગ્યાએ મૂકી દેવો.

સવારે તેનામાં અજમો તલ હળદર મરચું વગેરે નાખી બધું મિક્સ થઈ જાય એ રીતે બરાબર મસળવું. હવે તેમાં સોડા ઉમેરી તેના ઉપર એક ચમચી જેટલું ગરમ તેલ રેડવું. હવે લોટને બરાબર મસળવો જેથી સોડા બરાબર મિક્સ થઈ જાય. થોડુ પાણી ઉમેરીને લોટ ને થોડો ઢીલો કરો.

હવે લોટમાંથી નાના-નાના ગોળા બનાવી તેને છાશ વડે જરા પણ ક્રેક નાં રહે એ રીતે લિપિ દેવું. હવે તેલમાં ધીમા તાપે વડા થોડાક લાલ થાય ત્યાં સુધી તળવા. તૈયાર છે એકદમ સોફ્ટ અને ટેસ્ટી એવા મકાઈના વડા. આ વડાને લાંબા સમય સુધી સાચવી શકાય છે એટલે જો ક્યાંક બહારગામ જવાનું હોય તો પણ સાથે લઈ જઈ શકાય છે.