સૌ પ્રથમ ફ્રાયપેનમાં તેલ ગરમ કરો. તેમાં જીરું, લીમડાના પત્તા અને બે ચપટી હિંગ અને બારીક સમારેલ લસણ મિક્સ કરો. ત્યારબાદ તેમાં બારીક સમારેલ ડુંગળી મિક્સ કરો. ડુંગળી બ્રાઉન કલરની થાય ત્યાં સુધી તેને હલાવતા રહો. પછી તેમાં બારીક સમારેલ ટામેટા અને સ્વાદાનુસાર મીઠું મિક્સ કરો. ટામેટાને ધીમી આંચ પર ઢાંકી રાંધી લો. પાંચ મિનીટ પછી જુઓ આટલા સમયમાં ટામેટા સોફ્ટ થઇ ગયા હશે.

હવે ગેસની આંચ તેજ કરી લો અને તેની સાથે ટામેટા મેશ કરતા જાઓ. હવે તેમાં હળદર પાઉડર, ધાણા પાઉડર, લાલ મરચું પાઉડર અને સૂકા મસાલાને મિક્સ કરી લો ત્યારબાદ તેમાં ગરમ મસાલા પાઉડર અને ચાટ મસાલા પાઉડર મિક્સ કરી લો. જ્યારે ટામેટા સરખી રીતે મેશ થઇ જાય પછી તેમાં સેવ મિક્સ કરી લો. તમે ઈચ્છો તો તેમાં થોડું પાણી મિક્સ કરી શકો છો.