રીત: સૌ પ્રથમ એક બાઉલ માં ચણાનો લોટ લઈ તેમાં લીંબુના ફૂલ, મીઠું અને ખાંડ નાખી બરાબર મિક્સ કરો ત્યારપછી તેમાં આદુ-મરચાની પેસ્ટ અને હળદર ઉમેરીને પાણી નાખી બરાબર હલાવતા જાવ અને નાયલોન ખમણ ના ખીરા માં ખાવાનો સોડા અથવા ઇનો નાખીને હલાવતા જાવ એટલે ખમણ નું ખીરું ફૂલી જશે.

હવે એક સ્ટીમ વાસણ માં અથવા ઢોકળિયામાં પાણી ગરમ કરવા મૂકો અને જેમાં ખમણ બનાવવના હોય તે થાળી ને તેલ લગાવી ને ગરમ કરવા મૂકો અને ખમણ ના ખીરાને થાળી માં નાખો થોડીવાર પછી ખમણ સ્ટીમ થઈ જાય પછી બહાર કાઢી લો અને પછી બીજી થાળી માં બાકી રહેલું ખમણ નું ખીરું નાખો.

હવે ખમણ ના વઘાર માટે તેલ ગરમ કરવા મૂકો અને તેમાં રાઈ અને હીંગ નાખો ત્યાર પછી સમારેલા લીલા મરચા નાખો અને પછી તેમાં લીબું અને ખાંડ નું પાણી નાખો અને આ વઘાર ને બનાવેલા ખમણ ઉપર નાખો પછી થોડી વાર ઠડાં પડવા દો.

તો તૈયાર છે ગરમા ગરમ નાયલોન ખમણને કઢી સાથે સર્વ કરવા માટે.
ધનેશ્વરી કિરણકુમાર જોશી.