બોઇલ મકાઈને લઈ લો. હવે એક પેનમાં તેલ ગરમ કરવા મૂકો.તેમાં કાંદા સાંતળી લો.હવે તેમાં બાફેલી મકાઈ ઉમેરો. પછી તેમાં મીઠું,આદું-મરચાંની પેસ્ટ,લીંબુનો રસ,લાલ મરચું ઉમેરીને સરસ ટેસ્ટી પૂરણ તૈયાર કરો. હવે તેમાં એક પેકેટ ચીઝ નાખો અને બરાબર મિક્સ કરો.

હવે એક બાઉલમાં ઘઉંનો લોટ લઇને તેમાં મીઠું અને તેલનું મોણ નાખીને પરોઠા જેવો લોટ બાંધો. હવે તેને દસ મિનિટ માટે રેસ્ટ આપો.

પછી તેમાંથી પરાઠા બનાવો. તેમાં મકાઈ અને ચીઝનું પુરણ ઉમેરો. હવે તેને બટર મૂકીને શેકી લો. તો તૈયાર છે આપણા ટેસ્ટી કોર્ન ચીઝ પરાઠા.