સૌપ્રથમ ફોટા માં બતાવ્યાં મુજબ બધી સામગ્રીઓને રેડી કરી લો. હવે એક નવું દૂધીને છાલ કાઢીને છીણી લો. છીણેલી દૂધી માંથી પાણી નિતારી લો. એક મોટા બાઉલમાં દુધીનો છીણ અને લસણ મિક્ષ કરી લો. હવે તેલનું મોણ, દહીં અને બાકીના બધા મસાલા ઉમેરી દો. ફોટા માં બતાવ્યાં મુજબ બધા મસાલા અને દુધી ને બરાબર મિક્સ કરી લો.

હવે ઉપરના મિશ્રણમાં ધીમે ધીમે ઘઉંનો લોટ ઉમેરતા જાઓ. લોટના મિશ્રણમાં પાણી ઉમેરવાની ઉતાવળ કરવી નહીં. દુધી અને દહીંનું પાણી છૂટશે એટલે લોટ આપોઆપ બંધાઈ જશે. આમ તો પાણી વગર જ થેપલા નો લોટ બંધાઈ જશે પણ જો જરૂર લાગે તો એકદમ ઓછું નહિવત પાણી ઉમેરવું. જેમ જેમ લોટ મસળતા જશો અને લુઆ પાડતા જશો એમ પાણી ઉમેરવાની જરૂર પડશે નહીં.

હવે રેગ્યુલર થેપલા ની જેમ કે દૂધીના થેપલા ને વણી લો. બંને બાજુ તેલ મૂકીને શેકી લો. લાકડાના ડટટા વડે થેપલા ને દબાવી ને શેકી લો જેથી થેપલા બરાબર બધી સાઇડ થી શેકાઈ જાય.

તો રેડી છે મસ્ત મજાના દૂધી અને લીલા લસણ ના થેપલા...... જેને મેં અહીંયા ગોળ, મસાલા વાળુ દહીં અને કેરીના થોડા સાથે સવઁ કર્યા છે...... તમે બધા પણ જરૂરથી એકવાર આ થેપલા ની રેસીપી ટ્રાય કરશોજી.......