સૌપ્રથમ અપને ઘઉં નો લોટ લઇ લઈશુ એમાં સ્વાદ મુજબ મીઠું ઉમેરો. અજમા ને સહેજ હાથેથી મસળી ને ઉમેરો.

પછી એમાં 4-5 ચમચી મોણ માટે તેલ ઉમેરો અને મીડીયમ કઠણ એવો લોટ તૈયાર કરો.

હવે એક પેન માં એક ચમચી વરિયાળી એક ચમચી સૂકા ધાણા અને 1/2ચમચી જીરું લઇ અને 5 મીન માટે સેકી લો. ઠંડુ થાય એટલે અધકચરુ વાટી લો.

હવે બટાકા અને વટાણા ને બાફી ને તૈયાર રાખો. એક પેન માં 3-4 ચમચી તેલ લઇ લો. તેલ ગરમ થાય એટલે મરચા ની પેસ્ટ ઉમેરો. એમાં હળદરમરચું ધાણા જીરું અને હિંગ ઉમેરો.

બટાકા ના મોટા મોટા ટુકડા કરી લો. બટાકા અને વટાણા ઉમેરો. સ્વાદ મુજબ મીઠું ઉમેરો. ગરમ મસાલો ઉમેરો.

હવે અધકચરા વાટેલો મસાલો ઉમેરો. છેલ્લે લીંબુ નો રસ ઉમેરો. મસાલો તૈયાર છે.

તૈયાર લોટ માંથી એક રોટલી વાની ને વચ્ચે થી કાપી લો. સમોસા નો શેપ આપી માવો ભરો અને સરખી રીતે બંધ કરો. ગરમ તેલ માં તળી લો. સમોસા તૈયાર છે.