એક બાઉલ મા એક કપ કાપી ને ભરી ને કાચા ચોખા લેવા.તેના પર બે ટેબલસ્પૂન અડદ ની દાળ નાખવી.(ગમે તો બે ટેબલસ્પૂન ચણાદાળ અને બે ટેબલસ્પૂન મગ દાળ પણ ઉમેરી શકાય).તેને બાઉલ મા નાખી બેત્રણ વાર બરાબર ધોઈ ને પાણી નાખી એક કલાક પલાળી દેવા.

એક કલાક પછી તેમાંથી પાણી કાઢી નાખવું અને મિક્સર જાર માં આ પલાળેલા દાળ ચોખા નાખી દેવા તેમાં ચાર ટેબલસ્પૂન પાણી નાખી એકદમ બારીક પણ થીક (જાડું) ખીરું દળવું.હવે તેમાં એક કપ ગોળ અને ચાર ટેબલસ્પૂન તાજુ ખમણેલું નારિયેળ નું છીણ નાખી બેટર તૈયાર કરવું.આ બેટર ફ્લોયિંગ કંસિસટેન્સી નું હોવું જોવે.તેમાં પાણી ન નાખવું. ગોળ સાથે દળવાથી ખીરું પાતળું થઈ જશે.

એક કઢાઈ મા મધ્યમ આંચ પર તેલ ગરમ કરવું.હવે તેમાં એક નાનો ચમચો ભરી ને ખીરું નાખવું.થોડીવાર માં તે ફૂલી ને ઉપર આવી જશે.હવે તેને બીજી બાજુ પલટાવી ને રેડિશ બ્રાઉન રંગ થાય ત્યાં સુધી ડીપ ફ્રાય કરવું.આ રીતે બધા કંદરપ્પમ તળી લેવા.