સૌ પ્રથમ બાજરી ને ૮ કલાક માટે પલાળી રાખો.

હવે ૮ કલાક પછી બધાં શાકભાજી સમારી ને રેડી કરો. આ સમયે મગ ની દાળ ને ધોઇ ને પલાળો.

હવે એક કૂકર માં ઘી ગરમ કરી તેમાં તજ લવિંગ તમાલપત્ર સૂકું લાલ મરચું ઉમરો પછી તેમાં જીરૂ અને હિંગ ઉમેરી લીલાં લસણ નો સફેદ ભાગ ઉમેરો.

હવે લસણ સંતળાઈ એટલે તેમાં ડુંગળી ઉમેરીને સાંતળો અને પછી તેમાં ગાજર, વટાણા અને ફણસી ઉમેરી ફરી થોડી વાર સાંતળો. પછી તેમાં ટામેટાં ઉમેરી બરાબર હલાવો.

હવે તેમાં મેથી ની ભાજી ઉમેરી બરાબર મિક્સ કરો અને પછી તેમાં પલાળેલી બાજરી અને ધોયેલી મગ દાળ પણ ઉમેરી બરાબર મિક્સ કરો (દાળ ને ખીચડી બનાવતી વખતે જ ધોઇ ને રાખવી... અગાઉ થી પલાળવી નહિ)

હવે તેમાં બધાં સુકા મસાલા અને પાણી ઉમેરો.૩/૪ કપ બાજરી છે તો તેનું ડબલ પાણી લેવું.સાથેથોડી કોથમીર પણ ઉમેરવી આ બધું કરી પ્રેશર કૂકર નું ઢાંકણ બંધ કરી ૭-૮ વિસલ કરો અને કૂકર ને ઠંડુ થવા દો.

કૂકર ઠંડું પડે એટલે ખોલી ને ખીચડી ને ગરમા ગરમ દહીં અને પાપડ સાથે સર્વ કરો. તો તમે પણ મજા માણો આ બાજરી ની ખીચડી ની...