બન્ને દાળ નું પાણી કાઢી, બન્ને દાળને મિક્સર માં લઇ, જરૂર પ્રમાણે પાણી, આદું,મરચાં, મીઠું, હિંગ ઉમેરી પીસી લો. જરૂર લાગે તો થોડું પાણી રેડવું પણ ખીરું પતલુ નહીં કરવાનું. ખીરાને પાંચ મિનિટ હાથથી હલાવવું. હવે એક ગેસ પર મોટી તપેલીમાં સરખુ પાણી લઈ મીઠું નાખી નવશેકું પાણી કરી, ગેસ બંધ કરી, ઢાકણ ઢાંકી રાખવુ. બીજા ગેસ પર તેલ ગરમ થાય એટલે ભજીયા ઉતારતા જવુ અને નવશેકા પાણીમાં ઉમેરતા જવુ. આમ બધા તૈયાર થયેલ ભજીયાને નવશેકા પાણીમાં ત્રણેક કલાક માટે રહેવા દેવું.

1 કપ દહીં લઈ તેમાં થોડું પાણી ઉમેરી વલોણાથી એક રસ કરી તેમાં મીઠું નાખો. હવે દરેક વડા આ દહીમાં બોળી ફલેટ સર્વિંગ પ્લેટમાં ગોઠવો. પછી બીજું દહીં વલોવી તેમાં મીઠું ઉમેરી સર્વિંગ પ્લેટમાં ગોઠવેલ વડા ઉપર પાથરવું. તેના પર ખજૂર - આમલીની ચટણી, કોથમીર- ફુદીના ની ચટણી, શેકેલું જીરું પાઉડર, મરી પાઉડર, લાલ મરચું, થોડું ગાજરનું છીણ, ફુદીનાના પાન ઉમેરવા. ફ્રિજમાં તેને 20 મિનિટ માટે રાખો.