બન્ને દાળને ત્રણથી ચાર કલાક માટે પલાળી રાખવી અને પછી મિક્સરમાં ખૂબ જ ઓછું જરૂર પડે તો જ પાણી લઈને પીસી લેવું હું થોડીક મસૂરની દાળ લઉં છું તમને પસંદ હોય તો લેવાય

પીસી લીધા પછી તેને હાથથી બરાબર ફેંટી લેવું લગભગ ૧૦ થી ૧૨ મિનીટ આમ કરવાથી ખારો નાખ્યા વગર જ દહીં વડા ખૂબ જ સૉફ્ટ બને છે જો બને તો પીસ્યા પછી એકાદ-બે કલાક રહેવા દેવું પછી તેમાં સ્વાદ પ્રમાણે મીઠું એડ કરી તેના ભજીયા જેવા ગોળ ગોટા ઉતારી લેવા

જેવા તેલમાંથી ઉતરે તેવા સીધા પાણીમાં નાખી દેવા

એક લોટ થાય ત્યાં સુધી તેને રાખવા પછી હાથથી દબાવી અને કાઢી લેવા આ રીતે બધા લોટ ઉતારી દેવાય

પાણીમાંથી નિતારીને તેને ફ્રિઝમાં મૂકી દેવું જેથી ઠંડા રહે ને ખાવા સમયે ખુબ ટેસ્ટી લાગે દહીં પણ થોડુ પાણી લઈને ઘટ્ટ રાખી મીઠું અને ખાંડ નાખીને પણ અગાઉથી ફ્રિજમાં ઠંડુ કરવા મુકી રાખો ખાવાના સમયે સુપર ગળી ચટણી લીલી ચટણી અને મીઠું દહીં લઈ ઉપરથી ચાટ મસાલો અને સેજ લાલ મરચું શેકેલું જીરું ભભરાવું અને હવે તે ઠંડા વડા અને ઠંડા દહીં સાથે ચટપટા દહીં વડા ખાવાની ખૂબ મજા આવે છે મને ધાણા ખૂબ ગમે છે તે ઉપરથી લીલા ધાણા ભભરાવ્યા છે