முதலில் கடலைப்பருப்பை 3 மணிநேரம் ஊறவைக்கவும். 3மணி நேரம் கழித்து பின் அதனை தண்ணீர் வடிகட்டி, ஒரு தட்டில் கொட்டி நிழலில் 10நிமிடம் உலர்த்தி கொள்ளவும். வெங்காயத்தை பொடியாக நறுக்கவும்.

கடலைப்பருப்பை ஒரு மிக்ஸி ஜாரில் சேர்த்து கொரகொரப்பாக அரைத்து கொள்ளவும்.

அதே ஜாரில் கொத்தமல்லி இலை, கறிவேப்பிலை, பச்சை மிளகாய், இஞ்சி, பூண்டு, சோம்பு சேர்த்து, தண்ணீர் இல்லாமல் கொரகொரப்பாக அரைத்து கொள்ளவும்.

ஏற்கனவே அரைத்த கடலைப்பருப்பை ஒரு கிண்ணத்தில் சேர்த்து, பொடியாக நறுக்கிய வெங்காயத்தை போட்டு, அரைத்த கறிவேப்பிலை, கொத்தமல்லி இலை விழுதை சேர்த்து நன்கு கலந்து கொள்ளவும்.உப்பு சேர்த்து பிசைந்து கொள்ளவும்.

பின் அதனை சிறு சிறு உருண்டைகளாக உருட்டி கொள்ளவும். பின் ஒரு வாணலியில் எண்ணெய் ஊற்றி காய விடவும். எண்ணெய் காய்ந்ததும், உருண்டைகளை வடைகளாக தட்டி, அதில் போட்டு பொரித்து எடுக்கவும்.

மிதமான சூட்டில் எல்லா வடைகளையும் போட்டு எடுக்கவும். சுவையான மசால் வடை ரெடி..