સૌ પ્રથમ પાલક ને ધોઈ ને બરાબર સાફ કરી લો. ત્યારબાદ એક વાસણ માં પાલક ડૂબી જાય એટલું પાણી ઉમેરી ને બ્લાંચ(ઉકળવા) કરવા માટે ગેસ પર મૂકો.

હવે પાલક બરાબર બ્લાંચ થઈ જાય પછી તેને બરફ વાળા ઠંડા પાણી માં કાઢી લો. જેથી તેનો લીલો કલર જળવાઈ રહે.

હવે એક કઢાઈ માં તેલ ગરમ કરો. તેમાં જીરું, તમાલપત્ર અને હિંગ ઉમેરો.

ત્યારબાદ લસણ ની પેસ્ટ ઉમેરી ને સાંતળો.

હવે સમારેલ ડુંગળી ઉમેરી ને સાંતળો.

ડુંગળી આછા ગુલાબી રંગ ની થાય એટલે તેમાં હળદર, મીઠું, લાલ મરચું પાઉડર, ધાણાજીરું અને પંજાબી ગરમ મસાલો ઉમેરી લો.

મસાલા ચડી જાય પછી તેમાં પનીર ના ટુકડા ઉમેરી ને 3-4 મિનિટ સાંતળો.

ત્યારબાદ પાલક ની પેસ્ટ ઉમેરી લો અને બરાબર મિક્સ કરો.

હવે તેમાં કસૂરી મેથી અને ફ્રેશ ક્રીમ ઉમેરી ને બરાબર મિક્સ કરી લો.

પાલક પનીર નું શાક તૈયાર છે. એક પ્લેટ માં શાક કાઢી તેના પર રેડ ચીલી ફ્લેક્સ અને ફ્રેશ ક્રીમ ઉમેરી ને સજાવો.