प्रथम आमसुले ५-६ तास कोमट पाण्यात भिजत ठेवावी, त्यातच गूळही घालावा. आले, लसूण, मिरची, बेसनपीठ काढून घ्यावे. कोथिंबीर बारीक चिरावी. कडीपत्त्याची पाने धुवून घ्यावीत.आले, लसूण, खोबरे वाटून घ्यावे.

आता भिजलेली आमसुले पाण्यातच चुरावीत, बी असेल तर काढून टाकावे. व मिक्सरवर फिरवून घ्यावे गूळाचे तुकडे राहिले असतील तर तेही बारीक होतील.त्यावरच बेसनपीठ टाकून एकसारखे करून घ्यावे. आता एक पातेले गॅसवर तापत ठेवून त्यामध्ये २-३ चमचे तूप घालावे. हिंग, जीरे, मोहरी, कडीपत्ता घालावा, तडतडले की मिरची घालावी१ मि. परतावे.

आता आले,लसूण,खोबऱ्याचे वाटण घालावे. हळद घालावी, आमसूल, गूळ, बेसनपीठाचे मिश्रण घालावे.लाल तिखट, मीठ घालावे, आवश्यकतेनुसार पाणी घालावे. कोथिंबीर घालावी.उकळू द्यावे. सतत हलवत रहावे.