प्रथम सर्व साहित्य एकत्र काढून घेवू.कांदा चिरून मिक्सरवर भरड वाटून घेणे. १ चमचा तीळ,खोबरेही भाजून घेणे. आलं, लसूण, कोथिंबीर, खोबरे एकत्र भरड वाटून घेणे.

आता एका कढईत तेल गरम करून त्यामध्ये हिंग, जीरे घालावे, तडतडले की कांदा घालावा. चांगला गुलाबी रंग येईपर्यंत परतून घ्यावा, त्यामध्ये वाटण घालावे तेही मिनिटभर चांगले परतून घ्यावे.

आता त्यामध्ये लाल तिखट, गरम मसाला, धणे,जिरेपूड, उरलेले तीळ,मीठ घालावे.थोडे पाणी घालून तेल सुटेपर्यंत परतून घ्यावे. झाकण ठेवून १-२ वाफा आणाव्यात. छान खमंग असा हा मसाला तयार झाला.तो थंड होवू द्यावा.

आता वरच्या आवरणासाठी एका पातेल्यात तेल गरम करून त्यामध्ये हिंग, जीरे घालावे, तडतडले की तिखट, हळद घालावी, पाणी घालावे. पाण्याला उकळी आली की पीठ घालावे लाटण्याने किंवा जाड पळीने पटपट हलवावे. झाकण ठेवून १-२ वाफा आणाव्यात.

आता हे तयार पीठ गरम असतानाच चांगले मळून घ्यावे. या पीठाचे दोन मोठे गोळे होतात. प्लास्टिक पेपरवर किंवा पोळपाटावर लाटावे. त्यावर सारण पसरवावे.

आता व्यवस्थित घडी करत जावे. नंतर तिरप्या आकाराच्या वड्या कापणे. त्यावर बारीक चिरलेली कोथिंबीर व ओले खोवलेले खोबरे पसरवावे. व सर्व्ह करावे.