કેરી ને બરાબર ધોઈ લો અને તેની તેની છાલ ઉતારી લો.હવે આ કેરી ને છીણી લો અને પછી તેમાં ચપટી હળદર અને મીઠું મીક્ષ કરો અને ૨૦ મિનિટ રહેવા દો. પછી તેમાંથી પાણી નિતારી કેરીની છીણ ને અલગ રાખો

હવે આ કેરી ના છીણ ને સ્ટીલ ની એક મોટી તપેલી માં લો અને તેમાં ખાંડ મીક્ષ કરો અને તેને ૨-૫ મિનિટ સુધી હલાવો.હવે તપેલા ને ઢાંકી ને એક બાજુ એક દિવસ સુધી મૂકી દો

હવે આ કેરી ના છૂંદા ને હલાવો અને પછી તેની પર સફેદ અથવા તો બીજું કોઈ પણ સુતરાઉ કપડું બાંધી ને ઢાંકી દો.આ તપેલી ને ૬-૭ દિવસ સુધી તાપ માં (તડકા માં) મુકો રોજ એક વાર છૂંદા ને હલાવવું

બધી ખાંડ બરાબર ઓગળી જાય અને રસો એકદમ જાડો થઇ જાય પછી તાપ માં મૂકવું નહિ.તૈયાર છૂંદા માં લવિંગ, લાલ મરચું અને તજ મીક્ષ કરો.આ છૂંદા ને હવા ચુસ્ત કાચ ની બરણી માં ભરી લો.આ છૂંદો આખું વર્ષ સારો રહે છે