સૌપ્રથમ એક તપેલી માં તેલ ગરમ મૂકો, તેલ ગરમ થઈ ગયા બાદ તેમાં જીરું નાખો, પછી તેમાં બે ગ્લાસ જેટલું પાણી એડ કરો, પાણી નાંખ્યા બાદ તેમાં લાલ મરચું, મીઠું નાખી પાણીને 2-3 મિનિટ સુધી ઊકળવા દેવું.

ત્યારબાદ તેમાં ચણાનો લોટ ઉમેરવો અને વેલણની મદદથી એક જ સરખું હલાવતાં જવું જેથી તેમાં ગાંઠા ન રહે ત્યારબાદ તે મિશ્રણ ને થાળીમાં એકસરખું પાથરી દેવાનું, પછી તે ઠંડી થઈ જાય એટલે તેમાં ચપ્પુની મદદથી આકા પાડીને ચોરસ પીસ કરી લેવાના.

ત્યારબાદ એક કડાઈ માં તેલ ગરમ મૂકો, તેલ થાય એટલે લસણ ની પેસ્ટ સાંતળવી તે થાય એટલે કાંદા-ટામેટાં ની ગ્રેવી નો વઘાર કરવો, ત્યારબાદ તેમાં લાલ મરચું પાઉડર, મીઠું, ગરમ મસાલો, હળદર ઉમેરી તેને ઉકળવા દો ત્યારબાદ તેમાં દહીં એડ કરો ફરી પાછુ બે મિનિટ ઉકાળી અને હલાવી લો.

ત્યારબાદ જે ઢોકળીને પીસ કરેલા છે તેને ગ્રેવી માં એડ કરી દો ને ચાર - પાંચ મિનિટ સુધી ઉકળવા દેવું જેથી ઢોકળી માં બધી ગ્રેવી અને બધો મસાલો સરસ રીતે ચડી જાય હવે સબ્જીને કોથમીરથી ગાર્નિશિંગ કરી ગરમ સર્વ કરો.

તો હવે તૈયાર છે આપણું કાઠિયાવાડી ઢોકળી નું શાક.