முதலில் குதிரை வாலி, திணை இரண்டையும் ஒன்றாக கலந்து நான்கு ஐந்து முறை நன்றாக கழுவி தேவையான அளவு தண்ணீர் சேர்த்து ஊற வைக்கவும். குதிரை வாலி, திணைக்கு பதில் வேறு எந்த சிறு தானியம் வேண்டும் என்றாலும் சேர்க்கலாம். (கம்பு, சோளம், வரகு, சாமை)

பின்னர் துவரம் பருப்பு, கடலை பருப்பு, இட்லி அரிசி, உளுந்து, சவ்வரிசி ஆகியவற்றை கலந்து கழுவிய பின் காய்ந்த மிளகாய் சேர்த்து ஊற வைக்கவும்.

அடை சாப்டாக வேண்டும் எனில் துவரம் பருப்பு அதிகமாகவும் கடலை பருப்பு குறைவாக சேர்த்து அரைக்கவும். மொறுமோருப்பாக வேண்டும் எனில் துவரம் பருப்பை குறைத்து கடலை பருப்பை அதிகம் சேர்த்து அரைக்கவும். உளுந்து அதிகம் சேர்க்க கூடாது.

கிரைண்டரில் முதலில் மிளகாய்யை அரைத்து பின்னர் பருப்பை சேர்த்து அரைக்கவும் (மிளகாய் காம்பை நீக்கி விடவும்)

ரவையை விட சற்று கொர கொரப்பாக அரைத்து எடுக்கவும். அதில் தேவையான அளவு உப்பு, பெருங்காயம், பொடியாக நறுக்கிய கொத்த மல்லி, புதினா சேர்த்து 1/2மணி நேரம் மூடி வைக்கவும். இதில் விரும்பினால் தேங்காய் துருவல் சேர்க்கலாம் சுவை கூடும்.

பின்னர் தோசை கல் சூடானதும் அதில் அடை வார்த்து நலெண்ணெய் ஊற்றி இருபுறமும் சுட்டு எடுத்து வெல்லம் அல்லது நாட்டு சர்க்கரை உடன் பரிமாறவும்.