सर्वात आधी बटाटे कुकर मध्ये उकडून घ्यावेत. गार झाल्यावर तुकडे करून घ्यावे.

धणे, जीरे व बडीशोप खलबत्यात जाडसर कुटून घ्यावे. आलं मिरची पेस्ट करून घ्यावी. एका पॅन मध्ये तेल गरम करून त्यात कुटलेले धणे,जीरे व बडीशोप घालून परतून घ्यावे व त्यात आलं मिरची पेस्ट घालावी. छान परतून घ्यावे व त्यात बटाट्याच्या फोडी घालाव्यात.

नंतर त्यात मीठ, गरम मसाला, आमचूर पावडर घालून नीट परतून घ्यावे.बारीक चिरलेली कोथिंबीर व पुदिन्याची पाने घालून मंद आचेवर परतून घ्यावे. एका प्लेट मध्ये काढून गार करून घ्यावे

एका भांड्यात मैदा, मीठ, ओवा व तूपाचे मोहन घालून पीठ मध्यम सैल भिजवून घ्यावे. 1 तास मुरू द्यावे. नंतर गोळे करून पोळ्या लाटून घ्याव्यात. पोळी चे चौकोनी तुकडे करून घ्यायचे, त्यासाठी साइड कापून एका पोळी चे चार चौकोनी तुकडे करून घ्यायचे.

मधोमध सारण भरून बोटांच्या सहाय्याने सारण दाबून पोटली चा आकार द्यावा व नीट बंद करून घ्यावे. तळण्यासाठी तेल नेहमी कोमट असावं.कोमट तेलात पोटल्या टाकून low medium flame वर तळून घ्यावे.

हिरवी मिरची, खजूर चटणी बरोबर सर्व्ह करावे