வாழைப்பூவை சுத்தம் செய்து மோர் கலந்த நீரில் போட்டு வைக்க வேண்டும். பிறகு உருளைக்கிழங்கை நன்கு வேகவைத்து, மசித்து எடுத்துக் கொள்வோம்.

ஒரு பாத்திரத்தில் மசித்து வைத்த உருளைக்கிழங்கு, பொடியாக நறுக்கிய வெங்காயம், கறிவேப்பிலை, மல்லி இலை ஆகியவற்றை சேர்த்துக் கொள்ள வேண்டும். பிறகு ஒரு கடாயில் வாழைப்பூவை சிறியதாக நறுக்கி போட்டு, மஞ்சள் தூள், உப்பு சேர்த்து, அடுப்பில் வைத்து, மிதமான தீயில் வேக வைக்க வேண்டும்.தண்ணீர் ஊற்ற வேண்டும் என்ற அவசியம் இல்லை.

தண்ணீர் வற்றி வெந்ததும் வாழைப்பூவை மிக்சி ஜாரில் போட்டு கொரகொரப்பாக அரைத்து எடுத்துக் கொள்ள வேண்டும். அதனை உருளைக்கிழங்கு கலவையில் சேர்த்து வைத்துக்கொள்வோம்.

அதனுடன் இஞ்சி பூண்டு விழுது, பச்சை மிளகாய், கரம் மசாலாத்தூள்(வீட்டில் அரைத்தது சுவையும் மணமும் கூடுதலாக இருக்கும்), பொட்டுக்கடலை தூள், தேங்காய்த்துருவல் என அனைத்தையும் சேர்த்து கொள்வோம்.

இதனை நன்கு பிசைந்து கொள்வோம்.

இப்பொழுது அதனை பிடித்த வடிவங்களில் அல்லது உருண்டையாக உருட்டி எண்ணெயை சூடாக்கி ஒவ்வொன்றாகப் போட்டு பொரித்து எடுத்துக் கொள்வோம்.

நமது வாழைப்பூ கோலா உருண்டை தயார். வித்தியாசமாகவும் சுவையாகவும் இருக்கும். நீங்களும் செய்து சாப்பிட்டு தான் பாருங்களேன்!🧆🧆🤤🤤😋😋