એક પેનમાં બટર ગરમ કરવા મુકો. તેમાં ડુંગળી ને થોડી વાર સાંતળો. પછી તેમા કેપ્સીકમ, ટામેટા અને મકાઈ ઉમેરો અને તેને ૫ મિનિટ માટે કુક થવા દો. અને ગેસ બંધ કરીને તેમાં પીઝા સોસ,ચીઝ,મીઠું નાખીને બરાબર મિક્ષ કરી લો.

બ્રેડની સાઈડ કટ કરીને તેને વેલણથી વણી ને પાતળી બનાવી લો.

ચોરસ કે લંબચોરસ કેક મોલ્ડ માં બટર લગાવી લો. પછી તેના પર પહેલું લેયર બ્રેડ નું પાથરો. પછી તેના પર વેજીટેબલ નું લેયર બનાવો. પછી તેના પર ચીઝ સ્લાઈસ મુકો. ધ્યાન રાખો કે મોલડ આખું કવર થવી જોઈએ.

પછી ફરી બ્રેડ નું લેયર પાથરો. પછી ફરી તેના પર વેજીટેબલ નું લેયર બનાવો અને તેની પર ચીઝ સ્લાઈસ નું લેયર. અને છેલ્લે તેની પર ચીલી ફ્લેક્સ અને ઓરેગાનો સ્પ્રિંકલ કરી લો.

ઢોકળીયા માં નીચે મીઠું પાથરી પ્રિ હિટ થવા દો પછી ૧૫ મિનિટ માટે લઝાનીયા બેક થવા મુકો.તૈયાર છે બ્રેડ લઝાનીયા.