முதலில் விருப்பத்திற்கு ஏற்ப காய்கறிகளை சுத்தம் செய்து சிறு துண்டுகளாக நறுக்கி வைத்துக் கொள்ள வேண்டும்.

பின்னர் ஒரு கடாயில் நெய் ஊற்றி பட்டை,லவங்கம், சோம்பு சேர்த்து தாளிக்க வேண்டும்.பின்னர் வெங்காயம்,தக்காளி சேர்த்து வதக்க வேண்டும்.

அதன் பின் காய்கறிகளை சேர்த்து ஐந்து நிமிடம் வதக்க வேண்டும். பின்னர் புதினா, மல்லி இலை சேர்த்து இரண்டு நிமிடம் கிளறவும்.

பின்னர் திண்டுக்கல் பிரியாணி மசாலா ஒன்றரை டீஸ்பூன் சேர்த்து உப்பு சேர்த்து நன்கு வதக்க வேண்டும்.

பின்னர் எலக்ட்ரிக் குக்கரில் வதக்கிய காய்கறி கலவையை முதலில் சேர்க்க வேண்டும். அதன் பின்னர் 20 நிமிடம் ஊற வைத்த பாஸ்மதி அரிசியை சேர்க்க வேண்டும்.

பின்னர் ஒரு கப் பாஸ்மதி அரிசிக்கு ஒன்றரை கப் தண்ணீர், காய்கறி கலவைக்கு ஒரு டம்ளர், மொத்தம் இரண்டரை டம்ளர் தண்ணீர் ஊற்றி, அதன் மேல் புதினா, மல்லி இலையை தூவி குக்கரை மூடி வைக்க வேண்டும்.

20 நிமிடம் கழித்து பார்த்தால் மிகவும் சுவையான திண்டுக்கல் வெஜ்பிரியாணி ரெடி.