मटार करंजीची पूर्वतयारी करुन घ्या.
आलं मिरची पेस्ट करुन ठेवा,कांदा बारीक कापून ठेवा.जाड पोहे भिजवून ठेवा.आता मटार थोड्या पाण्यात भिजवून त्यात मीठ साखर घालून उकडून घेणे आणि नंतर चाळणी मध्ये निथळत ठेवा. असे केल्याने मटारा चा हिरवा रंग छान टिकून राहतो.

आता एका पराती मध्ये मैदा घ्या. त्यामध्ये चवीनुसार मीठ,ओवा घालून व्यवस्थित मिक्स करा. आता यामध्ये तेल कडकडीत गरम करून याचे मोहन घालावे. नंतरच हळद घाला.नाहीतर आधी हळद घातली तर ती जळेल..हळद आणि तेल मैद्याला व्यवस्थित चोळून घ्या आणि थोडे थोडे पाणी घालत मैदा (soft) करंजी सारखा भिजवून घ्या आणि अर्धा तास झाकून ठेवा. यामुळे करंजी खुसखुशीत होईल.

थोडे गार झाल्यावर मिक्सर मध्ये ओबडधोबड वाटून घ्या.आता एका कढईमध्ये तेल घालून जिरे हिंग हळद घालून खमंग फोडणी करा.यामध्ये कांदा घाला. कांदा थोडा परतला की त्यामध्ये आलं लसूण मिरची पेस्ट घालून छान परतून घ्या.
आता यामध्ये गरम मसाला, धणे पावडर, तिखट,बडिशोप घालून एकदा परतून घ्या.

नंतर भरडलेले मटार घालून व्यवस्थित एकजीव करा आता यामध्ये भिजवलेले पोहे घालून पुन्हा एक वाफ काढा यामध्ये चवीनुसार मीठ घाला आणि ओले खोबरे घालून पुन्हा एक दोन वाफा काढा आणि वरून कोथिंबीर घालून सारण तयार करून गार करायला ठेवा.

आता एकीकडे भिजवलेला मैदा पुन्हा छान मळून घ्या आणि त्याचे छोटे गोळे करून पुऱ्या लाटून घ्या.
आता यामध्ये मटार करंजी चे सारण भरून करंजी व्यवस्थित बंद करून घ्या आणि कातण्याने कातून घ्या किंवा fork च्या साह्याने करंजी छान पैकी बंद करून घ्या. अशाप्रकारे सर्व करंज्या तयार करा आणि वरून एक ओलसर फडक्याने करंज्या झाकून ठेवा म्हणजे त्या सुकणार नाहीत.

नंतर कढईमध्ये तेल घेऊन तेल तापले की मध्यम आचेवर सोनेरी रंगावर मटार करंज्या छान पैकी तळून घ्या.

तयार झाल्या आपल्या खमंग खुसखुशीत गरमागरम मटार करंज्या..हिरवी चटणी किंवा टोमॅटो सॉस बरोबर या मटार करंज्या सर्व्ह करा किंवा नुसत्याच खाऊ शकता कारण अतिशय चविष्ट स्वादिष्ट रुचकर अशा मटार करंज्या तयार होतात..