மக்கானாவில் இரும்பு சத்தும் கார்போஹைட்ரேட்டும் அதிகமாக உள்ளது.

இதில் கலோரிகள் குறைவாக இருப்பதால் உணவுக்கட்டுப்பாடு இருப்பவர்களும் இதை உணவில் சேர்த்துக் கொள்ளலாம்.

சர்க்கரை நோய் இருப்பவர் களும் இதை உணவில் சேர்த்துக் கொள்ளலாம்

இந்த மக்கானாவையும் உருளைக்கிழங்கையும் சேர்த்து ரெஸ்டாரன்ட் சுவையில் ஒரு கிரேவி செய்யலாம்

ஒரு டீஸ்பூன் வெண்ணெய் சேர்த்து மக்கானாவை மூன்று நிமிடங்கள் வறுத்துக் கொள்ளவும்

மக்கானாவை வறுத்து எடுத்த பிறகு அதே வாணலியில் 4 டீஸ்பூன் எண்ணெய் ஒரு டீஸ்பூன் வெண்ணெய் சேர்க்கவும்

எண்ணெய் காய்ந்ததும் பிரிஞ்சி இலை சீரகம் சேர்த்து பொரிக்கவும்

அடுத்து பொடியாக நறுக்கிய வெங்காயம் சேர்த்து நிறம் மாறும் வரை வதக்கவும். பச்சை மிளகாய் சேர்த்து வதக்கவும்.

தக்காளியை அரைத்து அதில் சேர்த்து வதக்கவும்.

வெங்காயம் தக்காளி நன்றாக வதங்கியதும் இஞ்சி பூண்டு விழுது சேர்த்து வதக்கவும்.

மிளகாய்த்தூள், தனியாத்தூள், சீரகத்தூள், உப்புத்தூள் சேர்த்து வதக்கவும். தேவையான அளவு தண்ணீர் சேர்க்கவும்

வேக வைத்த இரண்டு உருளைக்கிழங்கை சேர்க்கவும்

பத்து நிமிடங்கள் சிறிய தீயில் வைத்து மூடி வேக வைக்கவும்.

பிரியாணி மசாலா, கொத்தமல்லி தழை தூவி அடுப்பை அணைத்து விடவும்

இந்த கிரேவி பூரி சப்பாத்தியுடன் சாப்பிட சுவையாக இருக்கும். இது ரெஸ்டாரன்ட் சுவையுடன் இருக்கும்.