પલાળેલા છોલે ચણા ને કુકર માં બાફી લેવા. મિક્ષર જાર માં ટામેટા, લીલું મરચું, આદુ નો ટુકડો લઈ ક્રશ કરી પેસ્ટ તૈયાર કરવી..કડાઈ માં તેલ લઇ ગરમ થાય એટલે જીરૂ ઉમેરવું, તતડે એટલે બનાવેલી ટામેટા ની પેસ્ટ ઉમેરી કચાશ દૂર થાય ત્યાં સુધી હલાવતા રહેવું.

બધાજ મસાલા ઉમેરી શેકાવાની સુંગંધ આવે ત્યાં સુધી હલાવતા રહેવું.૧/૪ કપ પાણી ઉમેરીને બરાબર મિક્સ કરી પાણી બળે ત્યાં સુધી હલાવતા રહેવું.કસૂરી મેથી ઉમેરવી.

બાફેલા છોલે ઉમેરવા,મિક્સ કરી જરૂર મુજબ પાણી ઉમેરીને બરાબર મિક્સ કરવું..હવે એક વાટકી માં ૧ ચમચી બેસન + ૨ ચમચી પાણી લઈ મિક્સ કરી પેસ્ટ બનાવી છોલે માં એડ કરી ઢાંકી ૫-૭ મિનિટ કુક કરી લેવું. પૂરી કે પરાઠા સાથે સર્વ કરો.