பச்சைமிளகாயை கழுவி இரண்டாக கீறி உள்பக்கம் இருக்கும் விதைகளை நீக்கவும்,அதிக காரம் உங்களுக்கு பிடிக்கும் என்றால் விதைகளை நீக்க தேவை இல்லை.

கீறிய மிளகாய்களை சிறு துண்டுகளாக நறுக்கி வைக்கவும்.அல்லது மிக்சி ஜாரில் போட்டு கரகரப்பாக அரைத்துகொள்ளவும்.

வெங்காயத்தை மிக மிக சிறிய துண்டுகளாக நறுக்கிகொள்ளவும்

ஒரு கடாயில் எண்ணெய் விட்டு எண்ணெய் சூடானதும் அதில் கடுகு உளுந்து சேர்க்கவும்.

கடுகு வெடித்ததும் அதில் வெந்தயம் சேர்க்கவும்.

பின்பு நறுக்கிய வெங்காயம் மற்றும் மிளகாய்,கருவேப்பிலை சேர்த்து மிதமான தீயில் வைத்து வதக்கவும்.

அதனுடன் பெருங்காயத்தூள்,மஞ்சள் தூள்,உப்பு சேர்த்து வதக்கவும்

அனைத்தும் வதங்கியதும் கெட்டியான புளிக்கரைசல் சேர்த்து கிளறவும்

எண்ணெய் பிரிந்து வரும் வேளையில் வெல்லம் சேர்த்து கலக்கவும்

மிளகாய் புளிக்கூட்டில் எண்ணெய் முழுவதுமாக பிரிந்து வந்ததும் எடுத்து பரிமாறவும்.

சாம்பார் சாதம்,பருப்பு சாதம்,தயிர் சாதத்தோடு சாப்பிட மிக சுவையாக இருக்கும்.