પાપડી માટે: સૌ પ્રથમ એક કથરોટ માં મેંદો, સુજી અને ઘઉં નો લોટ ચાળી લો. હવે તેમાં મીઠું, અજમો અને તેલ ઉમેરી હાથ થી મસળી લો. પાણી ઉમેરતા જઈ કણક બાંધી લો.

હવે કણક માંથી લુઆ પાડી લો. હવે મોટી રોટલી વણી લો. હવે કાંટા ચમચી વડે કાણા કરી લો. નાની વાટકી અથવા ગોળ કુકી કટર થી નાની પાપડી પૂરી કાપી લો. (આ માપ પ્રમાણે લગભગ ૫૦ જેટલી પાપડી બનશે)

આવી રીતે બધી પાપડી વણી ને તૈયાર કરી લો. ત્યારબાદ ગરમ તેલ માં ગોલ્ડન થાય એવી તળી લો.

પાપડી ને હવાચુસ્ત ડબ્બા માં ભરી ને રાખો જેથી તેને ૧ મહિના સુધી સારી રાખી શકાય.

ચાટ માટે: એક બોલ માં છૂંદેલા બટાકા લઈ તેમાં મીઠું ઉમેરી લો. હવે ચણા નાખી ને મિક્સ કરી લો.

હવે એક ડિશ માં તૈયાર કરેલ પાપડી ગોઠવો. બધી પાપડી પર બટાકા અને ચણા નું મિશ્રણ મૂકો.

ત્યારબાદ ડુંગળી, દાડમ ના દાણા, લીલી ચટણી, લસણ ની ચટણી અને ખજૂર આમલીની ચટણી નાખો.

તૈયાર છે સરસ મજાની ચટપટી પાપડી ચાટ.